കേരളത്തിലെ മൂന്ന് രാജ്യസഭാ സീറ്റുകളിലേക്കുള്ള തെരഞ്ഞെടുപ്പ് സംബന്ധിച്ച വിജ്ഞാപനം ഇന്ന് പുറത്തിറങ്ങും. ഈ മാസം മുപ്പതിന് വോട്ടെടുപ്പ് നടത്താനാണ് കേന്ദ്ര തെരഞ്ഞെടുപ്പ് കമ്മീഷന്റെ തീരുമാനം.
മെയ് രണ്ടിനകം രാജ്യസഭാ തെരഞ്ഞെടുപ്പ് നടത്തണമെന്ന ഹൈക്കോടതി ഉത്തരവ് അംഗീകരിച്ചാണ് നടപടി. ഈ മാസം ഇരുപത് വരെ നാമനിര്ദേശ പത്രിക സമര്പ്പിക്കാം. പത്രിക പിന്വലിക്കാനുള്ള അവസാന തീയതി ഈ മാസം 23 ആണ്.
അബ്ദുള് വഹാബ്, കെ.കെ. രാഗേഷ്, വയലാര് രവി എന്നിവരുടെ കാലാവധി അവസാനിക്കുന്ന മൂന്ന് സീറ്റുകളിലേക്കാണ് തെരഞ്ഞെടുപ്പ്.
