ബിഹാറില് വോട്ടെണ്ണല് ആരംഭിച്ചു. പോസ്റ്റല് വോട്ടുകളാണ് എണ്ണി തുടങ്ങിയത്. ആദ്യ ഫലസൂചനകള് എന്ഡിഎയ്ക്ക് അനുകൂലമാണ്. നൂറ് കടന്ന് എന്ഡിഎയും മഹാസഖ്യവും. ഒടുവില് പുറത്തുവരുന്ന ഫലമനുസരിച്ച് മഹാസഖ്യം 126 സീറ്റുകളിലും എന്ഡിഎ 107 സീറ്റുകളിലും ലീഡ് ചെയ്യുന്നു. ആര്ജെി മുന്നേറുമ്പോള് ജെഡിയു കനത്ത തിരിച്ചടി നേരിട്ടു.
മഹാസഖ്യത്തിന് നേതൃത്വം നല്കുന്ന ആര്ജെഡി 83 സീറ്റുകളിലാണ് ലീഡ് ചെയ്യുന്ന്. കോണ്ഗ്രസ് 25 സീറ്റുകളിലും മുന്നേറ്റം തുടരുന്നു. പന്ത്രണ്ട് സീറ്റുകളില് ഇടത് പാര്ട്ടിയും ലീഡ് ചെയ്യുന്നു. എന്ഡിഎ സഖ്യത്തില് ബിജെപിക്കാണ് മുന്നേറ്റം. നിതീഷ് കുമാറിന്റെ ജെഡിയു കനത്ത തിരിച്ചടി നേടി.
ഏഴ് കോടി വോട്ടര്മാരാണ് ബിഹാര് തെരഞ്ഞെടുപ്പില് ഇക്കുറി വോട്ട് ചെയ്തത്. എന്ഡിഎയില് ജെഡിയു 115 സീറ്റിലും, ബിജെപി 110 സീറ്റിലും മുകേഷ് സഹാനിയുടെ വിഐപി പാര്ട്ടി 11 സീറ്റിലും ജിതിന് റാം മാഞ്ചിയുടെ ഹിന്ദുസ്ഥാനി അവാം മോര്ച്ച ഏഴ് സീറ്റിലുമാണ് ഭരിച്ചത്. നിതീഷുമായുള്ള ഭിന്നതയെ തുടര്ന്ന് ഒറ്റയ്ക്ക് മത്സരിക്കുന്ന ചിരാഗ് പാസ്വാന്റെ ലോക് ജനശക്തി പാര്ട്ടി 134 സീറ്റിലാണ് മത്സരിക്കുന്നത്. മഹാസഖ്യത്തില് 144 സീറ്റുകളില് തേജസ്വി യാദവ് നയിക്കുന്ന ആര്ജെഡി മത്സരിക്കുമ്പോള് കോണ്ഗ്രസ് 70 സീറ്റിലും സിപിഐഎംഎല് 19 സീറ്റിലും സിപിഐ ആറ് സീറ്റിലും സിപിഐഎം നാല് സീറ്റിലുമാണ് മത്സരിക്കുന്നത്.
കോവിഡ് പ്രതിസന്ധിക്കിടെ നടന്ന ആദ്യ തിരഞ്ഞെടുപ്പ് എന്ന ദേശീയ രാഷ്ട്രീയ പ്രധാന്യം ബിഹാര് വിധിയെഴുത്തിനുണ്ട്. 38 ജില്ലകളിലെ 55 കേന്ദ്രങ്ങളില് കോവിഡ് മാര്ഗനിര്ദേശങ്ങള് പാലിച്ച് രാവിലെ 8നാണ് വോട്ടെണ്ണല് തുടങ്ങിയത്. 19 കമ്പനി കേന്ദ്ര സേനയെ വോട്ടെണ്ണല് കേന്ദ്രങ്ങളിലും 59 കമ്പനി കേന്ദ്ര സേനയെ ക്രമസമാധാന പാലനത്തിനും നിയോഗിച്ചിട്ടുണ്ട്. എക്സിറ്റ് പോള് പ്രവചനങ്ങള് അനുകൂലമായതിന്റെ ആത്മവിശ്വാസത്തിലാണ് മഹാസഖ്യം. ജനങ്ങളുടെ വിധിയെഴുത്ത് അംഗീകരിക്കുമെന്ന് ജെഡിയു പ്രതികരിച്ചു.
243 അംഗ സഭയില് കേവലഭൂരിപക്ഷത്തിന് 122 സീറ്റുകള് ജയിക്കണം. ആര്ജെഡികോണ്ഗ്രസ് നേതൃത്വത്തിലുള്ള മഹാസഖ്യം ഭരണം പിടിക്കുമെന്നാണ് ഭൂരിപക്ഷം എക്സിറ്റ്പോള് ഫലങ്ങളും പ്രവചിക്കുന്നത്.
