തിരുവല്ല താലൂക്ക് ആശുപത്രിയില് ആരോഗ്യമന്ത്രി വീണാ ജോര്ജിന്റെ മിന്നല് സന്ദര്ശനം. ആശുപത്രി പ്രവര്ത്തനത്തില് വീഴ്ച്ച കണ്ടെത്തി ആരോഗ്യമന്ത്രി. സൂപ്രണ്ടിനോട് ക്ഷുഭിതയായി ആരോഗ്യമന്ത്രി. ആരോഗ്യമന്ത്രി എത്തിയപ്പോള് പ്രവര്ത്തിച്ചിരുന്നത് രണ്ട് ഒ പികള് മാത്രമാണ്. സൂപ്രണ്ടിനെതിരെ കടുത്ത നടപടിയുണ്ടായി, മന്ത്രി അദ്ദേഹത്തെ സ്ഥലംമാറ്റി.
രജിസ്റ്ററില് ഒപ്പിട്ട ഡോക്ടേഴ്സ് പോലും ഡ്യൂട്ടിയിലില്ല. ആശുപത്രിയില് മരുന്നുകള് ലഭിക്കുന്നില്ലെന്ന് മന്ത്രിയോട് രോഗികള് പരാതിപ്പെട്ടു. തുടര്ന്ന് ആശുപത്രി സൂപ്രണ്ട് അജയ മോഹനെ അടിയന്തരമായി സ്ഥലം മാറ്റാന് മന്ത്രി ഉത്തരവ് നല്കി.
നിരവധി രോഗികള് ആരോഗ്യ മന്ത്രിയുടെ അടുത്ത് വന്ന് പരാതി പറഞ്ഞു. ആശുപത്രിയില് ബ്ലഡ് ബാങ്ക് പ്രവര്ത്തിക്കുന്നില്ല, ഫര്മസിയില് ആവശ്യത്തിന് മരുന്നുകളില്ല. ആശുപത്രിയിലെ അടിസ്ഥാന സൗകര്യങ്ങള് വളരെ മോശം തുടങ്ങിയ നിരവധി പരാതികളാണ് മന്ത്രിയോട് പറഞ്ഞത്.
