ഗുലാം നബി ആസാദിനൊപ്പം കോണ്ഗ്രസ് വിട്ട 17 പേര് പാര്ട്ടിയിലേക്ക് മടങ്ങിയെത്തി. ദില്ലിയില് എഐസിസി ആസ്ഥാനത്ത് നടന്ന ചടങ്ങില് ജനറല് സെക്രട്ടറി കെസി വേണുഗോപാല് നേതാക്കളെ പാര്ട്ടിയിലേക്ക് സ്വാഗതം ചെയ്തു. പാര്ട്ടി വിട്ടവര് തറവാട്ടിലേക്ക് തിരികെ വരികയാണ്, സന്തോഷത്തിന്റെ നിമിഷങ്ങളണിതെന്ന് കെസി വേണുഗോപാല് പറഞ്ഞു.
കൂടുതല് ആളുകളെ ഭാരത് ജോഡോ യാത്ര കോണ്ഗ്രസിലേക്ക് അടുപ്പിക്കുന്നുണ്ട്. പോയവര് ഇനിയും തിരികെ വരും, സമാന മനസ്കരായ പാര്ട്ടികളും പ്രതിപക്ഷ ഐക്യത്തിനായി കോണ്ഗ്രസിനൊപ്പം ചേരുമെന്നും അദ്ദേഹം പറഞ്ഞു. കോണ്ഗ്രസിന് ഇതൊരു വലിയ ദിനമാണെന്ന് സംഘടനയുടെ ചുമതലയുള്ള വേണുഗോപാല് വാര്ത്താ സമ്മേളനത്തില് പറഞ്ഞു. എഐസിസി ജനറല് സെക്രട്ടറി ജയറാം രമേശ്, എഐസിസി സംസ്ഥാന ചുമതലയുള്ള രജനി പാട്ടീല് എന്നിവരും ചടങ്ങില് പങ്കെടുത്തു.
മുസാഫര് പരേ, ബല്വാന് സിംഗ്, മുജാഫര് പരേ, മൊഹീന്ദര് ഭരദ്വാജ്, ഭൂഷണ് ദോഗ്ര, വിനോദ് ശര്മ, നരീന്ദര് ശര്മ, നരേഷ് ശര്മ, അംബ്രീഷ് മഗോത്ര, സുബാഷ് ഭഗത്, ബദ്രി നാഥ് ശര്മ, വരുണ് മഗോത്ര, അനുരാധ ശര്മ, വിജയ് തര്ഗോത്ര, ചന്ദര് പ്രഭാ ശര്മ എന്നിവരാണ് പാര്ട്ടിയിലേക്ക് തിരികെയെത്തിയ മറ്റ് നേതാക്കള്.
ജീവിതത്തിലെ ഏറ്റവും വലിയ മണ്ടത്തരമാണ് കോണ്ഗ്രസ് വിട്ടതെന്ന് കശ്മീര് മുന് ഉപമുഖ്യമന്ത്രി താരാ ചന്ദ് പറഞ്ഞു. തെറ്റുകള് ആര്ക്കും സംഭവിക്കാം. അത് തിരുത്തി തിരികെ വന്നു. പാര്ട്ടിയോടും ജനങ്ങളോടും മാപ്പെന്ന് മുന് പിസിസി അധ്യക്ഷന് പീര് സാദാ മുഹമ്മദ് സയ്യിദ് പറഞ്ഞു. ഭാരത് ജോഡോ യാത്ര പുത്തന് പ്രതീക്ഷ നല്കുന്നുണ്ട്. ഭാരത് ജോഡോ യാത്രയ്ക്ക് കശ്മീരില് വലിയ ജനപങ്കാളിത്തം ഉണ്ടാകുമെന്നും അദ്ദേഹം പറഞ്ഞു.
