ആലപ്പുഴ: ലോട്ടറി ജേതാക്കള് സമ്മാനത്തുക എങ്ങനെ ചിലവാക്കണമെന്നതിനെക്കുറിച്ച് സംസ്ഥാന ലോട്ടറി വകുപ്പിന്റെ ക്ലാസ്. ആദ്യത്തെ ക്ലാസ് തിരുവനന്തപുരത്ത് ഏപ്രില് 12ന് നടക്കും. എല്ലാമാസവും ക്ലാസെടുക്കാനാണ് ലോട്ടറി വകുപ്പിന്റെ തീരുമാനം. ഓണം ബംപര് ഉള്പ്പെടെയുളളവയില് ഒന്നാം സമ്മാനം നേടിയവരാണ് ആദ്യ ക്ലാസില് പങ്കെടുക്കുന്നത്. കൂടാതെ സമ്മാനമടിച്ച് പണം ലഭിക്കാനുളളവരെയും ആദ്യ ഘട്ടത്തില് പരിഗണിക്കും.
ക്ലാസ് എന്തിന്
സംസ്ഥാന സര്ക്കാരിന്റെ ഗുലാത്തി ഇന്സ്റ്റിറ്റ്യൂട്ട് ഓഫ് ഫിനാന്സ് ആന്ഡ് ടാക്സേഷനാണ് ക്ലാസ് എടുക്കുന്നത്. ഓരോ മാസവും ക്ലാസ് ഉണ്ടാകും. ലൈഫ് ഇന്ഷുറന്സിന്റെ സാധ്യതകള്, നിക്ഷേപ സാധ്യതകള്, ധന വിനിയോഗത്തിന്റെ വിവിധ പ്രശ്നങ്ങള് എന്നിവയെക്കുറിച്ചായിരിക്കും ക്ലാസ്. പെട്ടന്ന് കയ്യിലെത്തുന്ന വലിയ സമ്മാനത്തുക വേണ്ട രീതിയില് വിനിയോഗിക്കാന് കഴിയാതെ പലരും വലിയ പ്രശ്നങ്ങളില് പെടാറുണ്ട്. ഗുണഭോക്താക്കളില് നല്ലൊരു ശതമാനവും സാധാരണക്കാരാണ്. ചിലര് കെണിയില്പെട്ട് കടത്തിലാകാറുമുണ്ട്. അതിന് പരിഹാരമായാണ് ക്ലാസെന്ന് ഡയറക്ട്രര് പറഞ്ഞു.
