കേന്ദ്രസഹമന്ത്രി സുരേഷ് ഗോപി ഉരുള്പൊട്ടല് ദുരന്തം നടന്ന വയനാട്ടിലെത്തി. ചൂരല്മലയും മുണ്ടക്കൈയും അദ്ദേഹം സന്ദര്ശിക്കും. മന്ത്രി പി എ മുഹമ്മദ് റിയാസുമായി സംസാരിച്ച് അദ്ദേഹം സ്ഥിതിഗതികള് വിലയിരുത്തി.ഇന്ന് രാവിലെയാണ് സുരേഷ് ഗോപി വയനാട്ടിലെ ദുരന്തഭൂമിയിലെത്തിയത്. ബെയിലി പാലത്തിലൂടെ വാഹനത്തില് പോയ സുരേഷ് ഗോപി മുണ്ടക്കൈ, പുഞ്ചിരിമട്ടം പ്രദേശങ്ങള് സന്ദര്ശിക്കുകയാണിപ്പോള്. ദുരന്തഭൂമി സന്ദര്ശിച്ച സുരേഷ് ഗോപി രക്ഷാപ്രവര്ത്തനത്തിന് നേതൃത്വം നല്കുന്ന സൈനിക ഉദ്യോഗസ്ഥരുമായി സംസാരിച്ചു.
വയനാട് ദുരന്തത്തെ ദേശീയ ദുരന്തമായി പ്രഖ്യാപിക്കുന്നതിന്റെ നിയമവശങ്ങള് പരിശോധിക്കുമെന്നും കേന്ദ്രസര്ക്കാര് എല്ലാ കാര്യങ്ങളും കൃത്യമായി നിരീക്ഷിക്കുന്നുണ്ടെന്നും സുരേഷ് ഗോപി വ്യക്തമാക്കി.പ്രധാനമന്ത്രി നരേന്ദ്രമോദി നേരിട്ട് നിര്ദേശിച്ചതിന് പിന്നാലെയാണ് സുരേഷ് ഗോപി ദുരന്തമുഖത്തെത്തുന്നത്. ദുരന്തത്തെ അതിജീവിച്ചുവന്ന മനുഷ്യരുടെ മാനസികാരോഗ്യത്തിനും അവരുടെ പുനരധിവാസത്തിനുമാണ് ഇപ്പോള് മുന്ഗണന നല്കേണ്ടതെന്ന് സുരേഷ് ഗോപി പറഞ്ഞു.
