തകരാത്ത റോഡില് അറ്റകുറ്റപ്പണി നടത്തിയ പിഡബ്ല്യുഡി ഉദ്യോഗസ്ഥര്ക്കെതിരെ നടപടി. പിഡ്ബ്ല്യുഡി കുന്ദമംഗലം സെക്ഷന് എന്ജിനീയര് ജി. ബിജു, ഓവര്സിയര് പി.കെ. ധന്യ എന്നിവരെ സസ്പെന്ഡ് ചെയ്തു. കോഴിക്കോട് മെഡിക്കല് കോളേജ്- കുന്നമംഗലം റോഡില് ഒഴുക്കരയിലാണ് റീ ടാറിംഗ് നടത്തിയത്.
തകരാത്ത റോഡില് അറ്റകുറ്റപ്പണി നടത്തിയതിനെതിരെ നാട്ടുകാര് പ്രതിഷേധവുമായി രംഗത്തെത്തിയിരുന്നു. ഇതോടെ പൊതുമരാമത്ത് വകുപ്പ് മന്ത്രി മുഹമ്മദ് റിയാസ് കഴിഞ്ഞ ദിവസം നേരിട്ടെത്തി സ്ഥലം സന്ദര്ശിച്ചിരുന്നു.
സംഭവം പരിശോധിച്ച് റിപ്പോര്ട്ട് സമര്പ്പിക്കണമെന്ന് പിഡബ്ല്യുഡി എക്സിക്യൂട്ടീവ് എഞ്ചിനീയര്ക്ക് നിര്ദ്ദേശം നല്കിയ ശേഷമാണ് മന്ത്രി മടങ്ങിയത്. ഈ റിപ്പോര്ട്ട് ലഭിച്ചതോടെ ഉദ്യോഗസ്ഥരെ സസ്പെന്ഡ് ചെയ്യാന് മന്ത്രി നിര്ദ്ദേശം നല്കുകയായിരുന്നു.
