തെക്കു കിഴക്കന് അറബിക്കടലിനും ലക്ഷദ്വീപിനും സമീപമായി ചക്രവാതചുഴി രൂപപ്പെട്ടതിനാല് സംസ്ഥാനത്ത് ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. അടുത്ത മണിക്കൂറുകളില് കേരളത്തിലെ എല്ലാ ജില്ലകളിലും നേരിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. നാല് ജില്ലകളില് യെല്ലോ അലര്ട്ട് പ്രഖ്യാപിച്ചു. കൊല്ലം, പത്തനംതിട്ട, ഇടുക്കി, മലപ്പുറം ജില്ലകളിലാണ് യെല്ലോ അലര്ട്ട്.
ചക്രവാതചുഴിയുടെ ഒരു ന്യൂന മര്ദ്ദ പാത്തി മഹാരാഷ്ട്ര വരെയും മറ്റൊരു ന്യൂനമര്ദ്ദ പാത്തി തെക്കു കിഴക്കന് ബംഗാള് ഉള്ക്കടല് വരെയും നിലനില്ക്കുന്നുവെന്ന് അധികൃതര് പറഞ്ഞു. ഇത് അടുത്ത അഞ്ച് ദിവസം കേരളത്തില് വ്യാപകമായ മഴക്ക് കാരണമാകും. ഈ ദിവസങ്ങളില് ഒറ്റപ്പെട്ട ശക്തമായ മഴ, ഇടിമിന്നലിനും സാധ്യതയുണ്ടെന്ന് കലാവസ്ഥ വകുപ്പ് അറിയിച്ചു.
