ബദല്‍ സംവാദത്തിന് വീണ്ടും കെ- റെയില്‍ പ്രതിനിധിയെ ക്ഷണിച്ച് ജനകീയ പ്രതിരോധ സമിതി. സംവാദത്തില്‍ പങ്കെടുക്കില്ലെന്ന തീരുമാനം പുനപ്പരിശോധിക്കണം. ഇതിലൂടെ കൂടുതല്‍ നിഷ്പക്ഷത ഉറപ്പാക്കാനാകുമെന്നും ജനകീയ പ്രതിരോധ സമിതി വിശദീകരിച്ചു.
മെയ് നാലിന് നടക്കുന്ന ചര്‍ച്ചയെ ബദല്‍ സംവാദമെന്ന പേരില്‍ പ്രചരിപ്പിച്ചിട്ടില്ലെന്നും ജനാധിപത്യ മൂല്യങ്ങള്‍ മുറുകെ പിടിച്ചു കൊണ്ടുള്ള തുറന്നതും സുതാര്യവുമായ ജനകീയ സംവാദമാണ് ലക്ഷ്യമിടുന്നതെന്നും പ്രതിരോധ സമിതി വ്യക്തമാക്കുന്നു.
അതേസമയം, സംഘാടകര്‍ക്ക് നിഷ്പക്ഷത തെളിയിക്കാനായില്ലെന്നാണ് കെ- റെയില്‍ നല്‍കുന്ന വിശദീകരണം. ബദല്‍ ആവശ്യമില്ലെന്നും തുടര്‍ സംവാദങ്ങളാണ് വേണ്ടതെന്നുമാണ് കെ- റെയില്‍ വ്യക്തമാക്കിയത്.
