പാലക്കാട്: കോണ്ഗ്രസ് വിമത നേതാവ് എ വി ഗോപിനാഥും വനിത ലീഗ് നേതാവ് എം കെ സുബൈദയും പാലക്കാട് നവകേരള സദസ്സിലെത്തി. ഇരുവരും നവ കേരള സദസ്സിന്റെ പ്രഭാത ഭക്ഷണ യോഗത്തിലാണ് പങ്കെടുത്തെത്.
സിപിഎം പാലക്കാട് ജില്ലാ സെക്രട്ടറി ഇ എന് സുരേഷ് ബാബുവിന് ഒപ്പമാണ് എ വി ഗോപിനാഥ് നവകേരള സദസ്സില് പങ്കെടുക്കാനായി എത്തിയത്. പാലക്കാട് വികസന കാര്യങ്ങള് മുഖ്യമന്ത്രിയുമായി ചര്ച്ച ചെയ്യാനാണ് പരിപാടിക്ക് എത്തിയതെന്ന് എ വി ഗോപിനാഥ് വ്യക്തമാക്കി. പരിപാടിക്ക് എത്തിയതിന് പ്രത്യേക രാഷ്ട്രീയ അനുമാനം നല്കേണ്ട കാര്യമില്ല. തന്റെ രാഷ്ട്രീയ തീരുമാനങ്ങള് ലോക്സഭാ തെരഞ്ഞെടുപ്പോടെ വ്യക്തമാകും. കോണ്ഗ്രസുകാരനായാണ് പരിപാടിയില് പങ്കെടുക്കുന്നതെന്നും എ വി ഗോപിനാഥ് വ്യക്തമാക്കി.
മണ്ണാര്ക്കാട് മുന് മുന്സിപ്പാലിറ്റി ചെയര്പേഴ്സണും, വനിത ലീഗ് നേതാവുമായിരുന്ന എം കെ സുബൈദയാണ് നവകേരള സദസ്സിന്റെ പ്രഭാതഭക്ഷണ യോഗത്തില് പങ്കെടുത്തത്. വികസനകാര്യത്തില് മുഖ്യമന്ത്രിയ്ക്ക് പിന്തുണ നല്കാനാണ് ചടങ്ങിനെത്തിയതെന്ന് സുബൈദ വ്യക്തമാക്കി. നാടിന്റെ വികസനത്തില് പങ്കാളിയാകുക എന്ന ഉദ്ദേശ്യത്തോടെയാണ് പരിപാടിയില് പങ്കെടുക്കാനെത്തിയത്. ഇതില് രാഷ്ട്രീയം കാണേണ്ട യാതൊരു കാര്യവുമില്ല. ഇപ്പോഴും ലീഗിന്റെ ഭാഗമാണ്. നാടിന്റെ വികസനകാര്യം ബഹിഷ്കരിക്കേണ്ടതില്ല എന്നാണ് എനിക്ക് തോന്നിയത്, അത് കൊണ്ടാണ് പങ്കെടുത്തത്. നടപടി വരുമോയെന്ന കാര്യത്തില് പേടിയില്ലെന്നും സുബൈദ പ്രതികരിച്ചു.