കണ്ടെയിന്മെന്റ് സോണ് അല്ലാത്തിടത്ത് 144 പ്രഖ്യാപിക്കാന് സര്ക്കാരിന് അവകാശമില്ലെന്ന് കോണ്ഗ്രസ് നേതാവും എംപിയുമായ കെ മുരളീധരന് പറഞ്ഞു. ഈ സര്ക്കാര് തീരുമാനത്തെ കോണ്ഗ്രസിന് ലംഘിക്കേണ്ടി വരും. സമരങ്ങള് ഇല്ലായ്മ ചെയ്യാനുള്ള ഗൂഢശ്രമമാണിതെന്നും അദ്ദേഹം അഭിപ്രായപ്പെട്ടു.
രോഗ വ്യാപനം എന്ന പേരില് 144 പ്രഖ്യാപിക്കുന്നത് ശരിയല്ല. ഈ തീരുമാനം തികച്ചും തെറ്റാണ്. 144 ലംഘിക്കുമ്പോള് കേസ് എടുക്കുന്നെങ്കില് എടുക്കട്ടെ. കുറച്ച് മാസം കഴിഞ്ഞാല് ആ കേസ് കോണ്ഗ്രസ് തന്നെ കൈകാര്യം ചെയ്യുമെന്നും മുരളീധരന് പറഞ്ഞു.
കള്ളക്കടത്തുകാരിലും കരിഞ്ചന്തക്കാരിലുമാണ് സിപിഎമ്മിന്റെ രക്ഷ. ഐ ഫോണ് കിട്ടിയെന്ന കാര്യം ചെന്നിത്തല തന്നെ നിഷേധിച്ചു. കോണ്ഗ്രസിന് ആരുടെ കയ്യില് നിന്നും ഒന്നും വാങ്ങണ്ട കാര്യമില്ല. കോണ്ഗ്രസ് പ്രവര്ത്തകര് വിദേശത്ത് നിന്നടക്കം അധ്വാനിച്ച് തങ്ങള്ക്ക് വേണ്ടതെല്ലാം കൊണ്ടുത്തരുന്നുണ്ട് എന്നും മുരളീധരന് പറഞ്ഞു.
