ന്യൂഡല്ഹി: ലാവലിന് കേസ് സുപ്രീംകോടതി വീണ്ടും മാറ്റി. സിബിഐയുടെ മുതിര്ന്ന അഭിഭാഷകന് ഹാജരാവാത്തതിനെത്തുടര്ന്നാണ് ഇന്നു കേസ് മാറ്റിവച്ചത്.പുതിയ തീയതി അറിയിച്ചിട്ടില്ല. 36ാം തവണയാണ് ലാവലിന് കേസ് സുപ്രീം കോടതി മാറ്റിവയ്ക്കുന്നത്.
ജസ്റ്റിസ് സൂര്യകാന്ത്, ജസ്റ്റിസ് ദീപാങ്കര് ദത്ത, ജസ്റ്റിസ് ഉജ്ജല് ഭുവിയാന് എന്നിവര് അംഗങ്ങളായ ബെഞ്ചാണ് കേസ് പരിഗണിച്ചത്.2017ല് സുപ്രീംകോടതിയിലെത്തിയ കേസ് ആറ് വര്ഷത്തിനിടെ നാല് ബെഞ്ചുകളിലായി ഇതിനു മുമ്ബായി 35 തവണയാണ് ലിസ്റ്റ് ചെയ്യപ്പെടുന്നത്. ഇക്കഴിഞ്ഞ ഒക്ടോബര് പത്തിനും കേസ് ലിസ്റ്റ് ചെയ്തിരുന്നെങ്കിലും പരിഗണിച്ചില്ല.
