ലോകത്തിലെ ഏറ്റവും ഉയരമുള്ള റെയില്പാലമായ ചെനാബ് റെയില്പ്പാലത്തിലൂടെ ആദ്യത്തെ തീവണ്ടിയോടി.റെയില്വേ നടത്തിയ പരീക്ഷണയോട്ടത്തില് മണിക്കൂറില് 40 കിലോമീറ്റര് വേഗതയിലാണ് ട്രെയിന് പാലത്തിലൂടെ കടന്നുപോയത്.റെയിൽവേ സർവീസുകൾ ഉടൻ ആരംഭിക്കും. ഈ ലൈനിൽ റമ്പാൻ, റിയാസി ജില്ലകൾക്കിടയിലാണ് നിർമ്മിച്ചിരിക്കുന്നത്. രംബാനില് നിന്ന് ബാരാമുള്ളയിലേക്കുള്ള ട്രെയിന് സര്വീസാണ് ലോകത്തിലെ എട്ടാമത്തെ അത്ഭുതമെന്നറിയപ്പെടുന്ന ഈ റെയില്പ്പാലത്തിലൂടെ കടന്നുപോകുക.
ജമ്മു കശ്മീരിലെ റിയാസി ജില്ലയില് ബക്കലിനും കൗരിക്കും ഇടയില് ചെനാബ് നദിക്കു കുറുകെയാണ് ചെനാബ് ആര്ച്ച് ബ്രിഡ്ജ് നിര്മിച്ചിരിക്കുന്നത്. ജമ്മു കശ്മീരിലൂടെയും പിന്നീട് പാക് പഞ്ചാബിലൂടെയും ഒഴുകുന്ന ചെനാബ് ഹിമാചല് പ്രദേശിലെ ലാഹൗള്, സ്പിതി ജില്ലകളിലെ അപ്പര് ഹിമാലയത്തില്നിന്നാണ് ഉത്ഭവിക്കുന്നത്.പുതുതായി പണിത ചെനാബ് റെയില്വേ പാലത്തിലൂടെ ഇന്ത്യന് റെയില്വേയുടെ മെമു ട്രെയിന് കടന്നു പോകുന്ന ദൃശ്യം കേന്ദ്ര റെയില്വേ മന്ത്രി അശ്വിനി വൈഷ്ണവ് തന്റെ എക്സ് അക്കൗണ്ടില് പങ്കുവച്ചു.
