കള്ളാക്കുറിച്ചി വിഷമദ്യ ദുരന്തത്തില് മുഖ്യപ്രതി അറസ്റ്റില്. നൂറിലധികം വിഷമദ്യ കേസുകളില് പ്രതിയായ ചിന്നദുരൈയാണ് കടലൂരില് നിന്നും പിടിയിലായത്. ഗോവിന്ദരാജ്, ദാമോദരൻ, വിജയ എന്നിവർ നേരത്തെ പിടിയിലായിരുന്നു. കള്ളക്കുറിച്ചിയിൽ വ്യാജമദ്യദുരന്തത്തിലെ മരണസംഖ്യ 50 ആയി ഉയർന്നു. ദുരന്തം നടുക്കിയ കരുണാപുരം കോളനിയില് വ്യാജ മദ്യ വില്പന വ്യാപകമായതോടെ സിസിടിവി സ്ഥാപിച്ചിരുന്നതായി പ്രദേശവാസികള് പറയുന്നു.
കള്ളക്കുറിച്ചി വിഷമദ്യദുരന്തത്തിൽ കൊല്ലപ്പെട്ടവരുടെ കുടുംബം ഇന്നലെ തന്നെ ചിന്നദുരൈയുടെ അറസ്റ്റ് ആവശ്യപ്പെട്ടിരുന്നു.ചാരായ ഷാപ്പ് പ്രവര്ത്തിച്ചിരുന്ന കരുണാപുരം കോളനിയെയാണ് ദുരന്തം നടുക്കിയത്. 26 ലധികം കുടുംബങ്ങള് അനാഥരായി. വിഷ മദ്യ ദുരന്തത്തില് ഇതുവരെയും 50 പേരാണ് മരിച്ചത്. 101 പേര് സേലം, തിരുവണ്ണാമലൈ, പുതുച്ചേരി എന്നിവിടങ്ങളിലെ ആശുപത്രികളില് ചികിത്സയില് കഴിയുകയാണ്.
