ദില്ലി: ദില്ലിയില് നിര്ഭയ കൊല്ലപ്പെട്ട കേസിലെ പ്രതികളെ ഡിസംബര് 16ന് മുമ്പ് തൂക്കിലേറ്റണമെന്ന് പെണ്കുട്ടിയുടെ അമ്മ. നിര്ഭയ കേസിലെ പ്രതികളെ ഡിസംബര് 16ന് മുമ്പ് തൂക്കിലേറ്റുമെന്ന് അഭ്യൂഹം പരന്നെങ്കിലും സുപ്രീം കോടതി കേസ് പരിഗണിക്കുന്നത് 17ലേക്ക് മാറ്റിയതിനാല് വധശിക്ഷ നടപ്പാക്കുന്നത് നീളും. പ്രതികള് തൂക്കിലേറ്റപ്പെടും വരെ നിയമപോരാട്ടം തുടരുമെന്നും അമ്മ പറഞ്ഞു. എനിക്ക് അവളെ ഇല്ലാതാക്കിയവരുടെ വധശിക്ഷ നടപ്പാക്കും വരെ ഞാന് പോരാട്ടം തുടരും. ഡിസംബര് 16ന് മുമ്പ് അവരെ തൂക്കിലേറ്റണമെന്നാണ് എന്റെ ആവശ്യമെന്നും അവര് പറഞ്ഞു. കുറ്റവാളികള്ക്ക് മരണവാറന്റ് നല്കണമെന്നാവശ്യപ്പെട്ട് ദില്ലി ഹൈക്കോടതിയില് സമര്പ്പിച്ച മറ്റൊരു ഹര്ജിയില് 18ന് പരിഗണിക്കും. 2012 ഡിസംബര് 16ന് രാത്രിയാണ് ദില്ലിയില് ഓടുന്ന ബസിനുള്ളില് വെച്ച് നിര്ഭയ കൂട്ട ബലാത്സംഗത്തിനിരയായത്.
