ന്യൂഡല്ഹി: അന്തരിച്ച മുന് അരുണാചല് പ്രദേശ് മുഖ്യമന്ത്രി കലിഖോ പൂളിന്റെ മകന് ദുരൂഹ സാഹചര്യത്തില് മരിച്ചനിലയില്. ഇംഗ്ലണ്ട് സസക്സിലെ അപ്പാര്ട്ട്മെന്റിലാണ് കലിഖോ പൂളിന്റെ മകനായ ഷുബാന്സോ പൂളിന്റെ മൃതദേഹം കണ്ടെത്തിയത്. 2016ല് മുഖ്യമന്ത്രിയുടെ ഔദ്യോഗിക വസതിയില് കലിഖോ പൂളിനെ ആത്മഹത്യ ചെയ്ത നിലയില് കണ്ടെത്തുകയായിരുന്നു.
കലിഖോ പൂളിന്റെ ആദ്യ ഭാര്യയില് ജനിച്ച മകനാണ് ഷുബാന്സോ പൂള്. മൃതദേഹം നാട്ടിലേക്ക് കൊണ്ടുവരുന്നതിന് ലണ്ടനിലെ ഇന്ത്യന് ഹൈക്കമീഷനുമായി ബന്ധപ്പെട്ടു വരികയാണ് ഷുബാന്സോ പൂളിന്റെ ബന്ധുക്കള്.
