മധ്യപ്രദേശിലെ നിവാഡിയില് 200 അടി താഴ്ചയുള്ള കുഴല്ക്കിണറില് വീണ മൂന്നു വയസുകാരന് മരിച്ചു. ബുധനാഴ്ച്ചയാണ് കുട്ടി കുഴല്ക്കിണറില് വീണത്. ഇന്ന് പുലര്ച്ചയോടെ കുട്ടിയെ പുറത്തെടുത്തു. ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. ആരോഗ്യനില വളരെ മോശമായതിനാല് ഉടന് തന്നെ ആശുപത്രിയില് പ്രവേശിപ്പിച്ചു. തുടര്ന്ന് മരണം സംഭവിക്കുകയായിരുന്നു. ഏകദേശം 96 മണിക്കൂറാണ് കുട്ടി കുഴല് കിണറില് കഴിഞ്ഞത്.
ഹര്കിഷന് കപൂരി ദമ്പതികളുടെ മകന് പ്രഹ്ളാദാണ് മരിച്ചത്. സൈന്യവും ദുരന്തനിവാരണസേനയും സംയുക്തമായാണ് രക്ഷാപ്രവര്ത്തനം നടത്തിയത്. കുഴല് കിണറിന് സമാന്തരമായി കുഴിയെടുത്ത് കുട്ടിയെ രക്ഷിക്കാനുള്ള പ്രവര്ത്തനങ്ങളാണ് നടന്നത്.പ്രദേശത്ത് ആളുകളുടെ തിരക്ക് ഒഴിവാക്കാന് കളക്ടര് നിരോധനാജ്ഞ പ്രഖ്യാപിച്ചിരുന്നു.
