ന്യൂഡല്ഹി: ഡല്ഹിയില് അഞ്ചാം ക്ലാസ് വിദ്യാര്ഥിനി അബദ്ധത്തില് ആസിഡ് ഉള്ളില്ച്ചെന്ന് മരിച്ചു. സഹപാഠിയുടെ വാട്ടര്ബോട്ടിലില്നിന്ന് വെള്ളമാണെന്നുകരുതി ആസിഡ് കുടിക്കുകയായിരുന്നു. ഡല്ഹിയിലെ ഹര്ഷ്വിഹാറിലുള്ള സ്വകാര്യസ്കൂളിലായിരുന്നു സംഭവം.
ആസിഡ് കുടിച്ചതിനെ തുടര്ന്ന് കുട്ടി ഛര്ദിക്കുകയും ഉടന്തന്നെ ആശുപത്രിയില് പ്രവേശിപ്പിക്കുകയും ചെയ്തു. എന്നാല് രക്ഷിക്കാനായില്ല. ശുചിമുറി വൃത്തിയാക്കുന്ന ആസിഡാണ് കുട്ടി കഴിച്ചതെന്നാണ് കരുതുന്നത്. വാട്ടര്ബോട്ടിലാണെന്ന് കരുതി സഹപാഠി കൊണ്ടുവന്നതായിരുന്നു ഇത്. ശീതളപാനീയത്തിന്റെ കുപ്പിയില് സൂക്ഷിച്ചിരുന്ന ആസിഡാണ് സ്കൂളില് കൊണ്ടുവന്നത്. ഉച്ചഭക്ഷണ സമയത്ത് രണ്ടു കുട്ടികളും ഒന്നിച്ചിരുന്ന് ഭക്ഷണം കഴിക്കുമ്പോഴാണ് വെള്ളം കുടിച്ചത്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
