തിരുവനന്തപുരം: പിണറായി വിജയനെ കണ്ണിലെ കൃഷ്ണമണിപോലെയാണ് പ്രധാനമന്ത്രി നരേന്ദ്ര മോദി സംരക്ഷിക്കുന്നതെന്ന് കെപിസിസി അധ്യക്ഷൻ കെ.
സുധാകരൻ.ഇല്ലാത്ത കേസുകളില് പോലും കുടുക്കി പ്രതിപക്ഷ നേതാക്കളെ രാജ്യമാകെ മോദി ഭരണകൂടം വേട്ടയാടുകയാണ്. എന്നാല്, കേരള മുഖ്യമന്ത്രിക്കെതിരെ വ്യക്തമായ തെളിവുകളും മൊഴികളും നിലനില്ക്കെയാണ് എല്ലാ കേസുകളും തേച്ചുമാച്ചതെന്നും സുധാകരൻ കൂട്ടിച്ചേര്ത്തു.
നവകേരളയാത്രയില് മോദിക്കെതിരേ ഒരക്ഷരം പോലും മുഖ്യമന്ത്രി ഉരിയാടിയില്ല. ഇത്രയും ജനദ്രോഹകരമായ യാത്രയില് ഒരു കീറത്തുണിപോലും ഉയര്ത്തി പ്രതിഷേധിക്കാന് ബിജെപി തയാറായതുമില്ലെന്നും സുധാകരൻ പറഞ്ഞു.സ്വര്ണ്ണക്കടത്ത് ഏത് ഓഫീസ് കേന്ദ്രീകരിച്ചാണ് നടന്നതെന്ന് എല്ലാവര്ക്കും അറിയാമെന്ന് പറയുന്ന പ്രധാനമന്ത്രി, കൊള്ളക്കാരനെതിരെ എന്ത് നടപടി സ്വീകരിച്ചെന്ന് വ്യക്തമാക്കണമെന്നും സുധാകരന് പറഞ്ഞു.
