പാലക്കാട്: അട്ടപ്പാടിയില് ഓടിക്കൊണ്ടിരുന്ന ടിപ്പർ ലോറിക്ക് തീപിടിച്ചു. താവളം മുള്ളി റോഡിലാണ് സംഭവം.
വൈക്കോല് കയറ്റിവരികയായിരുന്നു ടിപ്പർ ലോറി.
വൈക്കോലിനു തീപിടിച്ചു കത്തിയതോടെ ലോറിയിലുണ്ടായിരുന്ന മൂന്നുപേർ ഇറങ്ങിയോടി. ഈസമയം മഞ്ചിക്കണ്ടി ഭാഗത്തു നിന്ന് ആനയെ തുരത്തിയതിനു ശേഷം ഇതുവഴിവന്ന ആർആർടി സംഘത്തിന്റെ അവസരോചിതമായ ഇടപെടലാണ് വൻ അപകടം ഒഴിവാക്കിയത്.
സംഘാംഗം ലോറിയില് കയറി വാഹനം മുന്നോട്ടെടുക്കുകയും വൈക്കോല് അണ്ലോഡ് ചെയ്യുകയും ചെയ്തു. ഇതോടെ വാഹനത്തിനുള്ളിലേക്ക് തീപടർന്നില്ല.