മലപ്പുറം: കുസാറ്റിലെ അധ്യാപകനെയും കുടുംബത്തെയും കാര് തടഞ്ഞു നിര്ത്തി ബൈക്കിലെത്തിയ രണ്ടംഗ സംഘം ആക്രമിച്ചതായി പരാതി.
കുസാറ്റിലെ അസി. പ്രൊഫസര് നൗഫല്, ഭാര്യ രാജഗിരി ആശുപത്രിയിലെ ഡോക്ടര് ഷഹര്ബാനു, 2 മക്കള് എന്നിവരാണ് കാറിലുണ്ടായിരുന്നത്. ആക്രമണത്തില് ഭാര്യയ്ക്കും കുഞ്ഞിനും പരിക്കേറ്റു. കാറിന്റെ ചില്ല് അടിച്ചുതകര്ത്ത സംഭവത്തില് രണ്ടുപേരെ പൊലീസ് അറസ്റ്റ് ചെയ്തു.
തിരൂര്-ചമ്രവട്ടം റോഡില് വ്യാഴാഴ്ച രാത്രി 10.45നാണ് സംഭവം.പൊന്നാനി ഈശ്വരമംഗലം സ്വദേശികളായ അനീഷ് (35), വള്ളിക്കാട്ടു വളപ്പില് ബിനീഷ് (35) എന്നിവരാണ് അറസ്റ്റിലായത്. നൗഫലും കുടുംബവും കാറില് കൊച്ചിയില് നിന്നു കോഴിക്കോട് ഭാഗത്തേക്കു പോവുന്ന സമയത്തായിരുന്നു ആക്രമണം.
