കരുനാഗപ്പള്ളി :കേരളത്തെ നയിക്കാന് പ്രാപ്തിയില്ലാത്ത മുഖ്യമന്ത്രിയാണ് പിണറായി വിജയനെന്ന് പി.സി വിഷ്ണുനാഥ് എം എല് എ പ്രസ്താവിച്ചു. കരുനാഗപ്പള്ളി വി സത്യശീലന് നഗറില് നടന്ന യു ഡബ്ല്യു ഇ സി കൊല്ലം ജില്ല നേതൃ പഠന ക്യാമ്പിന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരള ചരിത്രത്തില് ആദ്യമായി ഒരു മുഖ്യമന്ത്രി ബിരിയാണി ചെമ്പില് സ്വര്ണ്ണം കടത്തിയതിന്റെ പേരിലും മകള്ക്ക് ബിസിനസ് നടത്താന് അഴിമതിക്കു കൂട്ടുനിന്നതിന്റെ പേരില് പ്രതിസ്ഥാനത്ത് നില്ക്കുന്ന മുഖ്യമന്ത്രി രാജിവച്ച് അന്വേഷണത്തെ നേരിടാന് തയ്യാറാകണമെന്ന് വിഷ്ണുനാഥ് പറഞ്ഞു.
സമാപന സമ്മേളത്തില് സംസ്ഥാന പ്രസിഡന്റ് അഡ്വ. സവിന് സത്യന് അധ്യക്ഷത വഹിച്ചു. എല്. കെ ശ്രീദേവി, ബിന്ദു ജയന്, മുനമ്പത്ത് വഹാബ്, ചിറ്റുമൂല നാസര്, എ.എ.അസീസ്, ബോബന് ജി നാഥ്, ബാബു ജി പട്ടത്താനം, ബി മോഹന്ദാസ് എന്നിവര് സംസാരിച്ചു. അസംഘടിത തൊഴിലാളികളും നിയമസംരക്ഷണവും സര്ക്കാര് സ്കീമുകളും, മാറിയ തൊഴില് നിയമങ്ങളും തൊഴില് സംരക്ഷണവും എന്നീ വിഷയങ്ങളെ സംബന്ധിച്ച് കെ. ദിലീപ്കുമാര്,അഡ്വ.അജയഘോഷ് എന്നിവര് ക്ലാസ്സ് എടുത്തു.വ്യക്തിത്വ വികസനം-നേതൃപാടവം എന്ന വിഷയത്തില് റവ.ഡോ. ബേണി വര്ഗ്ഗീസ് ക്ലാസ്സ് നയിച്ചു. കോണ്ഗ്രസ്സും വര്ത്തമാനകാല ഇന്ത്യയും എന്ന വിഷയത്തില് ശ്രീ കെ. സി രാജന് ക്ലാസ്സ് നയിച്ചു. രാഷ്ട്രീയ പ്രമേയം,സംഘടനാ പ്രമേയം, തൊഴിലും തൊഴിലാളികളും എന്നീ വിഷയങ്ങളില് പ്രമേയം അവതരിപ്പിച്ചു.
ക്യാമ്പ് ഡയറക്ടര് നെടുങ്ങോലം രഘു ക്യാമ്പ് നിയന്ത്രിച്ചു. വിവിധ സെക്ഷനുകള്ക്ക് മംഗലത്ത് രാഘവന് നായര് സംസ്ഥാന ജനറല് സെക്രട്ടറിമാരായ എസ്.സുബാഷ്, ബോബന് ജി നാഥ്,ജെ. എം ഷാജുമോന്, അഡ്വ.സഞ്ജയ്ഖാന്,എം.ജി ജയകൃഷ്ണന്,കെ.ബി. ഷഹാല്, മുരളീധരന് പാലക്കാട്, എല്ദോസ് പാണപ്പാടന് സംസ്ഥാന സെക്രട്ടറിമാരായ മില്ട്ടന് ഫെര്ണാണ്ടസ്, അന്വര് സേട്ട്, നജീബ്ഖാന്,അഡ്വ.ബിജു എബ്രഹാം,കുളക്കട അനില് എന്നിവര് നേതൃത്വം നല്കി. സംഘടനയുടെ ജില്ലാ വൈസ് പ്രസിഡന്റുമാര്, ജില്ലാ ജനറല് സെക്രട്ടറിമാര്, ബ്ലോക്ക് പ്രസിഡന്റ്മാര്, ബ്ലോക്ക് ഭാരവാഹികള്, മണ്ഡലം പ്രസിഡന്റ്മാര് എന്നിവര് പ്രതിനിധികള് ആയിരുന്നു.