കണ്ണൂരില് കോവിഡ് നിരീക്ഷണത്തില് കഴിഞ്ഞ ആള് മരിച്ചു. ഇരിക്കൂര് സ്വദേശി നടുക്കണ്ടി ഹുസൈന് ആണ് മരിച്ചത്. വെള്ളിയാഴ്ച പുലര്ച്ചെ പരിയാരം മെഡിക്കല് കോളേജില് വച്ചായിരുന്നു മരണം.ഒന്പതാം തീയതി മുംബൈയില് നിന്നും നാട്ടില് എത്തിയ ഹുസൈന് വീട്ടില് നിരീക്ഷണത്തില് കഴിയുകയായിരുന്നു.
നിരീക്ഷണ കാലത്ത് ശക്തമായ പനിയും വയറിളക്കവും അനുഭവപ്പെട്ടതിനെത്തുടര്ന്ന് ഇയാളെ കണ്ണൂര് ജില്ലാ ആശുപത്രിയില് പ്രവേശിപ്പിച്ചിരുന്നു.ഇന്നലെ അസുഖം കൂടിയതിനെത്തുടര്ന്ന് ഇയാളെ പരിയാരം മെഡിക്കല് കോളേജിലേക്ക് മാറ്റിയിരുന്നു. ഇദ്ദേഹത്തിന്റെ ശ്രവപരിശോധന റിപ്പോര്ട്ട് ഇതുവരെ ലഭിച്ചിട്ടില്ല. മൃതദേഹം പരിയാരം മെഡിക്കല് കോളേജ് മോര്ച്ചറിയില് സൂക്ഷിച്ചിരിക്കുകയാണ്.
