തൊടുപുഴ : കോളജ് കെട്ടിടത്തിന് മുകളില് കയറി നിയമ വിദ്യാര്ഥികള് ആത്മഹത്യാ ഭീഷണി മുഴക്കി. തൊടുപുഴ കോ-ഓപ്പറേറ്റീവ് ലോ കോളജിലെ 30ലധികം വിദ്യാര്ഥികളാണ് കോളജ് കെട്ടിടത്തിന് മുകളില് കയറി ആത്മഹത്യാ ഭീഷണി മുഴക്കുന്നത്.
കോളജിലെ മാർക്ക് ദാനവുമായി ബന്ധപ്പെട്ട് സമരം ചെയ്ത വിദ്യാർഥികളെ സസ്പെൻഡ് ചെയ്തതില് പ്രതിഷേധിച്ചാണ് ഭീഷണി. ഒരു മണിക്കൂറിലധികമായി കെട്ടിടത്തിന് മുകളില് നില്ക്കുന്ന വിദ്യാര്ഥികളെ അനുനയിപ്പിച്ച് താഴെയിറക്കാനുള്ള നീക്കത്തിലാണ് അധികൃതര്.
ഒന്നാം സെമസ്റ്റര് പരീക്ഷയില് ഒരു വിദ്യാർഥിക്കുമാത്രമായി മാർക്ക് ദാനം ചെയ്തെന്നാണ് സമരക്കാരുടെ ആരോപണം. ഇതുമായി ബന്ധപ്പെട്ട് കോളജില് ഇന്നലെ സമരം നടത്തിയിരുന്നു. ഇതിനു പിന്നാലെ സമരത്തിന് നേതൃത്വം നല്കിയ ഏഴു പേരെ സസ്പെന്ഡ് ചെയ്തിരുന്നു.