ഇരിട്ടി: ആറളം ഫാം പുനരധിവാസ മേഖലയില്‍ ബ്ലോക്ക് 11 ലെ താമസക്കാരനായ സുധാകരന്‍റെ വീട്ടുമുറ്റത്ത് കെട്ടിയിട്ടിരുന്ന ആടിനെ പുലി കടിച്ചുകൊന്നു.
ഇന്ന് പുലർച്ചെ രണ്ടോടെയാണ് സംഭവം. ബ്ലോക്ക് 11 ല്‍ ചോമാനി പ്രദേശത്തെ 382 നമ്ബർ വീട്ടിലെ പ്രസവിച്ച്‌ നാലുദിവസം മാത്രമായ ആടിനെയാണ് പുലി കടിച്ചുകൊന്നത്. വനത്തിനോടു ചേർന്ന പ്രദേശം കൂടിയാണിത്.
മുറ്റത്ത് കെട്ടിയ ആടിന് സമീപത്തുതന്നെ വീടിന്‍റെ തിണ്ണയില്‍ സുധാകരനും കുടുംബവും കാവല്‍ കിടന്നിരുന്നു. ആടിന്‍റെ കരച്ചില്‍ കേട്ട് ഉണർന്ന സുധാകരനും കുടുംബവും പുലി ആടിനെ അക്രമിക്കുന്നതുകണ്ട് ഓടിയെത്തി പുതപ്പുകൊണ്ട് പ്രതിരോധിക്കുകയായിരുന്നു. പ്രസവിച്ച ആടായിരുന്നതുകൊണ്ടാണ് കൂട്ടിനുള്ളില്‍ കെട്ടാതെ മുറ്റത്ത് കെട്ടിയിരുന്നത്.
