മുവാറ്റുപുഴ : മുല്ലപ്പെരിയാറില് അടിയന്തിരമായി കേന്ദ്ര സര്ക്കാര് ഇടപെടണമെന്ന് ഡീന് കുര്യാക്കോസ് എം. പി ലോക് സഭയില് ആവശ്യപ്പെട്ടു.. ദൗര്ഭാഗ്യവശാല് എന്തെങ്കിലും സംഭവിച്ചാല് അന്താരാഷ്ട്ര ദുരന്തമാകുകയും. ലക്ഷകണക്കിന് ആളുകള് ഇരകളായും മാറും. കേന്ദ്ര സര്ക്കാരും , കേരള, തമിഴ് നാട് സര്ക്കാരുകളും കേരളത്തിലെ ജനങ്ങളുടെ സുരക്ഷ ഗൗരവത്തില് എടുക്കുന്നില്ല. കേരള സര്ക്കാര് തമിഴ് നാടുമായി ഒത്തു ചേര്ന്ന് ബേബി ഡാം ശക്തിപ്പെടുത്താന് തീരുമാനം എടുത്തത് ഇതിനുദാഹരണമാണ്. യഥാര്ത്ഥ പ്രശ്നം പ്രധാന ഡാമിന്റെ ബലക്ഷയമാണ്. ദീര്ഘകാലമായി നിലനില്ക്കുന്ന ഈ പ്രശ്നം പരിഹരിക്കാന് ഡാം അടിയന്തിരമായി ഡീ കമ്മീഷന് ചെയ്യണമെന്നും, തമിഴ് നാടിന് ആവശ്യത്തിന് ജലം നല്കാന് തയ്യാറാണെന്നും, തമിഴനാടിന് ജലം, കേരളത്തിനു സുരക്ഷ എന്ന മുദ്രാവാക്യം മുന്നില് നിര്ത്തി അടിയന്തിരമായി പുതിയ ഡാം നിര്മ്മിക്കണമെന്നും എം. പി ലോക് സഭയില് ആവശ്യപ്പെട്ടു..
