കൊച്ചി: മറിയക്കുട്ടി തന്റെ വിധവാ പെൻഷൻ മുടങ്ങിയത് ചോദ്യം ചെയ്ത് സമര്പ്പിച്ച ഹര്ജി ഹൈക്കോടതി ഇന്ന് വീണ്ടും പരിഗണിക്കും.
പെൻഷൻ എന്തുകൊണ്ടാണ് കൊടുക്കാതിരുന്നത് എന്ന ചോദ്യത്തിന് മറുപടി നല്കാൻ സംസ്ഥാന സര്ക്കാരിനോട് സിംഗിള് ബെഞ്ച് ആവശ്യപ്പെട്ടിട്ടുണ്ട്. വിഷയത്തില് സര്ക്കാര് ഇന്ന് കോടതിയില് മറുപടി നല്കും.
പെൻഷൻ തുക നല്കാൻ സാധിച്ചില്ലെങ്കില് മറിയക്കുട്ടിയുടെ മൂന്നു മാസത്തെ ചെലവ് സര്ക്കാര് ഏറ്റെടുക്കണമെന്ന് കോടതി വ്യാഴാഴ്ച പറഞ്ഞിരുന്നു. കേന്ദ്ര വിഹിതം ലഭിച്ചില്ലെന്ന സംസ്ഥാന സര്ക്കാര് ആരോപണത്തിന് കേന്ദ്ര സര്ക്കാരും മറുപടി നല്കണമെന്നും ഹൈക്കോടതി നിര്ദേശിച്ചിരുന്നു.
