കൊച്ചി: ബിജെപി സ്ഥാനാര്ഥികള് മികച്ചവരാണെന്ന എല്ഡിഎഫ് കണ്വീനര് ഇപി ജയരാജന്റെ പ്രസ്താവനയ്ക്ക് നന്ദിയെന്ന് ബിജെപി അധ്യക്ഷന് കെ സുരേന്ദ്രന്.ഇപി ജയരാജനെ അവമതിക്കുന്ന ഒരു പ്രസ്താവനയും താന് നടത്തില്ല. സത്യം ഒരു പ്രാവശ്യമെങ്കിലും ഇപി ജയരാജന് പറഞ്ഞല്ലോ?. മുഖ്യമന്ത്രി പിണറായി വിജയനും ഗോവിന്ദനും ഭീഷണിപ്പെടുത്തി ഇപി ജയരാജന്റെ വായടിപ്പിക്കാന് ശ്രമിച്ചെങ്കിലും അതുകൊണ്ട് കാര്യമുണ്ടായില്ലെന്നു സുരേന്ദ്രന് പറഞ്ഞു.എസ്എഫ്ഐ ലക്ഷണമൊത്ത ഭീകരസംഘടനയായി മാറിയെന്നും കെ സുരേന്ദ്രന് പറഞ്ഞു.