മാറാടി ഗ്രാമപഞ്ചായത്തിലെ അഞ്ച് വയസിന് താഴെ പ്രായമുള്ള കുട്ടികള്ക്കുള്ള പള്സ് പോളിയോ പ്രതിരോധ തുള്ളിമരുന്ന് വിതരണം വിവിധ ബൂത്തുകളിലായി നടന്നു. കോവിഡ് മാനദണ്ഡങ്ങള് പാലിച്ചാണ് വിതരണം നടന്നത്. പഞ്ചായത്ത് തല വിതരണ ഉദ്ഘാടനം മാറാടി ഗ്രാമപഞ്ചായത്ത് പ്രസിഡന്റ് ഒ.പി ബേബി നിര്വഹിച്ചു. ആരോഗ്യ പ്രവര്ത്തകര്ക്കൊപ്പം ഈസ്റ്റ് മാറാടി സര്ക്കാര് വി.എച്ച്.എസ് സ്കൂളിലെ നാഷണല് സര്വീസ് സ്കീം യൂണിറ്റിലെ വോളന്റിയേഴ്സും മറ്റു ക്ലബുകളിലെ അംഗങ്ങളും പങ്കെടുത്തു.
രോഗപ്രതിരോധ വാക്സിനേഷന് പട്ടിക പ്രകാരം പോളിയോ പ്രതിരോധ മരുന്ന് നല്കിയിട്ടുള്ള കുട്ടികള്ക്കും പള്സ് പോളിയോ ദിനത്തില് പ്രതിരോധ തുള്ളിമരുന്ന് നല്കി. കോവിഡ് പോസിറ്റീവായതോ ക്വാറന്റൈനിലായതോ ആയ കുട്ടികള്ക്ക് അവരുടെ ക്വാറന്റൈന് പീരീഡ് കഴിയുമ്പോള് ആരോഗ്യ പ്രവര്ത്തകര് വീട്ടിലെത്തി പോളിയോ തുള്ളിമരുന്ന് നല്കുന്നതാണെന്ന് മാറാടി ഗ്രാമപഞ്ചായത്ത് പ്രാഥമിക ആരോഗ്യ കേന്ദ്രം മെഡിക്കല് ഓഫീസര് ഡോ.അമര്ലാല് പറഞ്ഞു.
