കണ്ണൂര് പള്ളിയാന് മൂലയില് ലോകകപ്പ് ഫൈനല് മത്സരത്തിന് പിന്നാലെയുണ്ടായ സംഘര്ഷത്തില് മൂന്ന് പേര്ക്ക് വെട്ടേറ്റു. ഒരാളുടെ നില ഗുരുതരമാണ്. സംഭവത്തില് ആറുപേരെ പൊലീസ് കസ്റ്റഡിയിലെടുത്തു. അനുരാഗ്, ആദര്ശ്, അലക്സ് ആന്റണി എന്നിവര്ക്കാണ് പരുക്കേറ്റത്.
പരിക്കേറ്റ മൂന്നുപേരെയും രണ്ട് സ്വകാര്യ ആശുപത്രികളിലാണ് പ്രവേശിപ്പിച്ചിരിക്കുന്നത്. വിനോദ്, വിജയന്, ഷൈജു, പ്രശോഭ്, പ്രതീഷ് എന്നിവര് പ്രതികള്.
തിങ്കളാഴ്ച പുലര്ച്ചെ 12.40 ഓടെയായിരുന്നു സംഭവം. ഫ്രാന്സ്- അര്ജന്റീന മത്സരത്തിന് പിന്നാലെ ഫ്രാന്സ് ആരാധകരെ ഒരുസംഘം കളിയാക്കുകയതോടെയാണ് പ്രശ്നങ്ങള്ക്ക് തുടക്കമായത്. ഇവര് ലഹരി ഉപയോഗിച്ചിരുന്നോ എന്ന കാര്യം പോലീസ് അന്വേഷിക്കുന്നുണ്ട്.