മൂവാറ്റുപുഴ: മൂവാറ്റുപുഴ താലൂക്കിലെ നിലവില്‍ എപിഎല്‍ വിഭാഗത്തിലുള്ള അര്‍ഹരായ റേഷന്‍ കാര്‍ഡുടമകളെ ബിപിഎല്‍ വിഭാഗത്തില്‍ ഉള്‍പ്പെടുത്തുന്നതിനുളള അപേക്ഷകള്‍ ഭക്ഷ്യ പൊതുവിതരണ വകുപ്പ് 31 വരെ ഓണ്‍ലൈനായി സ്വീകരിയ്ക്കും. കാര്‍ഡ് ഉടമയോ കുടുംബാംഗങ്ങളോ മുന്‍ഗണന വിഭാഗത്തിന്‍ ഉള്‍പ്പെടാന്‍ അര്‍ഹനാണെന്ന് പഞ്ചായത്ത്, നഗരസഭ സെക്രട്ടറിയുടെ സാക്ഷ്യപത്രവും മറ്റ് സര്‍ട്ടിഫിക്കറ്റുകളുണ്ടെങ്കില്‍ അതുമുള്‍പ്പെടെ അക്ഷയ കേന്ദ്രം വഴി അപേക്ഷ നല്‍കാം.
www.civilsupplieskerala.gov.in എന്ന വെബ് സൈറ്റ്, സിറ്റിസണ്‍ ലോഗിന്‍ മുഖേന മാത്രം അപേക്ഷ നല്‍കണമെന്ന് താലൂക്ക് സപ്പൈ ഓഫീസര്‍ അറിയിച്ചു.
