കേരളത്തില് ഇന്ന് കനത്ത മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും 5 ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, എറണാകുളം, തൃശ്ശൂര്, പാലക്കാട് ജില്ലകളിലാണ് യെല്ലോ അലെര്ട്ട്. കേരള തീരത്ത് 40 മുതല് 50 കി.മീ. വരെ വേഗത്തില് കാറ്റിനും 4 മീറ്റര് വരെ ഉയരത്തില് തിരമാല അടിക്കാനും സാധ്യതയുണ്ട്. മത്സ്യ തൊഴിലാളികള് കടലില് പോകരുതെന്നും മുന്നറിയിപ്പ് നല്കിയിട്ടുണ്ട്.
