കൊച്ചി: അയ്യപ്പ ഭക്തരുടെ വികാരം വ്രണപ്പെടുത്തിയെന്ന കേസില് അറസ്റ്റിലായ ആക്ടിവിസ്റ്റ് രഹന ഫാത്തിമയെ ഇന്ന് പത്തനംതിട്ട സി.ജെ.എം കോടതിയില് ഹാജരാക്കും. രഹനയെ കസ്റ്റഡിയില് വിടണമെന്ന പൊലീസിന്റെ അപേക്ഷയില് കോടതി ഇന്ന് വാദം കേള്ക്കും.
പത്തനംതിട്ട പൊലീസാണ് കഴിഞ്ഞ ദിവസം രഹനയെ കൊച്ചിയിലെത്തി അറസ്റ്റ് ചെയ്തത്. മതവികാരം വ്രണപ്പെടുത്തുന്ന രീതിയില് രഹന ഫാത്തിമ ഫേസ്ബുക്കിലിട്ട പോസ്റ്റിനെതിരെ ബിജെപി കഴിഞ്ഞ മാസം 20 ന് പരാതി നല്കിയിരുന്നു.
രഹനയുടെ പോസ്റ്റുകള് മതവികാരം വ്രണപ്പെടുത്തുന്നതാണെന്ന ബിജെപി നേതാവ് ആര് രാധാകൃഷ്ണ മേനോന്റെ പരാതിയെ തുടര്ന്നായിരുന്നു നടപടി. അറസ്റ്റിന് പിന്നാലെ ബിഎസ്എന്എല് ജീവനക്കാരിയായിരുന്ന രഹന ഫാത്തിമയെ സസ്പെന്റ് ചെയ്തിരുന്നു.
