തിരുവനന്തപുരം: നിയമസഭ തെരഞ്ഞെടുപ്പ് അടുത്തതോടെ സംസ്ഥാനത്ത് ഉദ്യോഗസ്ഥ ഭരണമെന്ന് ആക്ഷേപം. വകുപ്പ് മന്ത്രിമാരറിയാതെ ഉദ്യോഗസ്ഥർ ഉത്തരവിറക്കുന്നതും സർക്കാരിന്റെ പ്രഖ്യാപിത നയപരിപാടികളിൽ ഐഎഎസ് ഉദ്യോഗസ്ഥർ അടക്കം സഹകരിക്കാത്തതും സർക്കാരിന് തലവേദനയാകുന്നു. ഭരണമാറ്റം മുന്നിൽക്കണ്ടാണ് ഉദ്യോഗസ്ഥരുടെ നീക്കങ്ങൾ എന്നാണ് സൂചന.
ഭരണ മാറ്റം എന്ന ട്രെൻഡ് വന്നതോടെ ഐഎഎസ് ഉദ്യോഗസ്ഥർ അടക്കമുള്ളവർക്കും മനംമാറ്റം ഉണ്ടായതാണ് മന്ത്രിമാരെ കുഴക്കുന്നത്. രണ്ടാഴ്ചയ്ക്കിടെ സർക്കാരുമായി ആലോചിക്കാതെ ഉദ്യോഗസ്ഥർ കൈകൊണ്ട് മൂന്ന് സുപ്രധാന തീരുമാനങ്ങളാണ് മന്ത്രിമാർ ഇടപെട്ട് പിൻവലിക്കേണ്ടി വന്നത്.
