തിരുവനന്തപുരം: തിരുവനന്തപുരത്ത് കാപ്പാ കേസ് പ്രതിക്ക് നേരെ പൊലീസ് വെടിയുതിർത്തു. ആര്യൻകോട് എസ്എച്ച്ഒയാണ് പ്രതി കൈനി കിരണിന് നേരെ വെടിയുതിർത്തത്.
കിരൺ പൊലീസിനെതിരെ കത്തി വീശിയതോടെ എസ്എച്ച്ഒ വെടിയുതിർക്കുകയായിരുന്നു. ആക്രമണത്തിൽ ആർക്കും പരിക്കില്ല. സംഘർഷത്തിനിടെ കൈനി കിരൺ ഓടിരക്ഷപെട്ടു. ഇന്ന് രാവിലെയായിരുന്നു സംഘർഷം.കിരണിനെ പിടികൂടാനെത്തിയപ്പോഴായിരുന്നു എസ്എച്ച്ഒയെ ആക്രമിക്കാൻ ശ്രമിച്ചത്. കൈയിലൊരു വെട്ടുകത്തിയുമായാണ് കിരൺ നിന്നിരുന്നത്. രണ്ട് തവണ എസ്എച്ച്ഒയ്ക്കെതിരെ വെട്ടുകത്തി വീശിയെങ്കിലും ഒഴിഞ്ഞുമാറുകയായിരുന്നു. പൊലീസ് അനുനയിപ്പിക്കാൻ ശ്രമിക്കുന്ന ദൃശ്യങ്ങൾ പുറത്തുവന്നിട്ടുണ്ട്. പ്രതി അക്രമാസക്തമായതോടെയാണ് എസ്എച്ച്ഒ വെടിയുതിർത്തത്. തുടർ‌ന്ന് പൊലീസ് ബലപ്രയോഗത്തിലൂടെ കീഴ്പ്പെടുത്തുകയായിരുന്നു. എസ്എച്ചഒയെ ആക്രമിക്കാൻ ശ്രമിച്ചതിന് കിരണിനെതിരെ കേസെടുത്തിട്ടുണ്ട്. പ്രതിയെ സാഹസികമായി കീഴ്പ്പെടുത്തിയ എസ്എച്ച്ഒയെയും സംഘത്തയെയും പൊലീസ് തലപ്പത്തെ ഉന്നതർ അഭിനന്ദിക്കുകയും ചെയ്തു.
