പിഎം ശ്രീ പദ്ധതിയില് ഇടഞ്ഞ് നില്ക്കുന്ന സിപിഐയെ അനുനയിപ്പിക്കാന് മുഖ്യമന്ത്രി. ബിനോയ് വിശ്വത്തെ ഫോണില് വിളിച്ചു. പി എം ശ്രീയില് കരാറില് നിന്ന് പിന്നോട്ട് പോകുക പ്രയാസമെന്ന് മുഖ്യമന്ത്രി അറിയിച്ചതായാണ് വിവരം. രണ്ട് ദിവസത്തെ ഗൾഫ് പര്യടനത്തിന് ശേഷം ഇന്നലെ മുഖ്യമന്ത്രി പിണറായി വിജയന് തിരുവനന്തപുരത്തെത്തിയിരുന്നു. തുടർന്ന് സിപിഐ സംസ്ഥാന സെക്രട്ടറി ബിനോയ് വിശ്വവുമായി മുഖ്യമന്ത്രി ഫോണിൽ ആശയ വിനിമയം നടത്തി എന്നാണ് സൂചന.
സിപിഐ സംസ്ഥാന എക്സിക്യുട്ടീവിന് മുന്പ് മുഖ്യമന്ത്രി സിപിഐ നേതാക്കളുമായി സംസാരിച്ചേക്കുമെന്ന് നേരത്തെ വിവരമുണ്ടായിരുന്നു. ബിനോയ് വിശ്വവും മുഖ്യമന്ത്രിയും ഇന്ന് ഒരേ വേദിയിലെത്തുന്നുണ്ട്. സിപിഐഎം സംസ്ഥാന സെക്രട്ടേറിയറ്റും വിവാദം ചര്ച്ച ചെയ്യും. അവയ്ലബിള് പിബിയും ഇന്ന് ചേരും.
