ഇന്ധന വില വര്ധനയെ തുടര്ന്ന് കേരളത്തില് സ്വകാര്യ ബസുടമകള് സമരത്തിലേക്ക്. നവംബര് 9 മുതല് അനിശ്ചിതകാല സമരം ആരംഭിക്കുമെന്ന് കേരള സ്റ്റേറ്റ് ബസ് ഓപ്പറേറ്റേഴ്സ് ഫെഡറേഷന് അറിയിച്ചു. ബസ് ചാര്ജ് വര്ധിപ്പിക്കാതെ മുന്നോട്ട് പോകാനാകില്ലെന്ന് ഉടമകള് അറിയിച്ചു.
ഡീസല് വില ഭീമമായി വര്ധിച്ചു കൊണ്ടിരിക്കുന്ന സാഹചര്യത്തില് മിനിമം ചാര്ജ് 12 രൂപയാക്കുക കിലോമീറ്റര് നിരക്ക് 1 രൂപയാക്കുക, വിദ്യാര്ത്ഥിയാത്ര മിനിമം 6 രൂപയും തുടര്ന്നുള്ള ചാര്ജ് 50% ആക്കുക, കോവിഡ് കാലം കഴിയുന്നത് വരെ വാഹന നികുതി പൂര്ണമായും ഒഴിവാക്കുക തുടങ്ങിയ ആവശ്യങ്ങള് ഉടനടി അംഗീകരിച്ചു കിട്ടണമെന്ന് ആവശ്യപെട്ടു കൊണ്ടാണ് സമരം.
മുമ്പ് പ്രഖ്യാപിച്ച സമരം മാറ്റിവെച്ചതാണ്. കൊവിഡ് കാലത്ത് ഡീസല് വില വര്ധിക്കുന്നു. ഈ വ്യവസായത്തിന് പിടിച്ച് നില്ക്കാന് പറ്റുന്നില്ല. ഡീസല് സബ്സിഡി തരുന്നില്ല, ഗതാഗത മന്ത്രിക്ക് നോട്ടീസ് നല്കിയെന്നും ബസ് ഉടമകള് അറിയിച്ചു. സമരം തുടങ്ങുന്ന ദിവസം മുതല് ബസ് ഉടമ സംയുക്ത സമിതിയുടെ നേതൃത്വത്തില് അനീശ്ചിത കാല റിലേ സത്യാഗ്രഹം നടത്തുമെന്നും ഭാരവാഹികള് അറിയിച്ചു.
