മെഡിക്കല് വിദ്യാഭ്യാസ വകുപ്പിലെ മെഡിക്കല്, ദന്തല്, നഴ്സിഗ്, ഫാര്മസി, നോണ് മെഡിക്കല് എന്നീ വിഭാഗങ്ങളിലെ അധ്യാപകരുടെ ശമ്പള പരിഷ്കരണം മന്ത്രിസഭായോഗം അംഗീകരിച്ചു. 01.01.2016 മുതല് പ്രാബല്യത്തിലാണ് ശമ്പളം പരിഷ്ക്കരിച്ചിട്ടുള്ളത്. മെഡിക്കല്, ദന്തല് വിഭാഗങ്ങളിലെ അധ്യാപകര്ക്ക് ലഭിച്ചു വന്നിരുന്ന നോണ് പ്രാക്ടീസിംഗ് അലവന്സ് (എന്.പി.എ), പേഷ്യന്റ് കെയര് അലവന്സ് (പി.സി.എ) എന്നിവ തുടര്ന്നും നല്കാന് തീരുമാനിച്ചു.
01.01.2006 നാണ് കഴിഞ്ഞ തവണ ശമ്പളം പരിഷ്കരിച്ചത്. 10 വര്ഷം കഴിയുമ്പോള് ശമ്പള പരിഷ്ക്കരണം അനുവദിക്കണമെന്നതിനാലാണ് 01.01.2016 തീയതി പ്രാബല്യത്തില് ശമ്പളം പരിഷ്കരിച്ച് അംഗീകാരം നല്കിയത്.
