കേരളത്തില് ശക്തമായ മഴയ്ക്ക് സാധ്യതയുള്ളതിനാല് ഇടുക്കി, മലപ്പുറം ജില്ലകളില് യെല്ലോ അലര്ട്ട് പ്രഖ്യാപിച്ചു. മഴയ്ക്ക് പുറമേ ശക്തമായ കാറ്റിനും സാധ്യതയുള്ളതിനാല് മത്സ്യത്തൊഴിലാളികള് കടലില് പോകാന് പാടില്ലെന്നും മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. മത്സ്യബന്ധന ബോട്ടുകള്, വള്ളങ്ങള് സുരക്ഷിതമായി കെട്ടിയിട്ട് സൂക്ഷിക്കണമെന്നും നിര്ദേശമുണ്ട്. പൊഴിയൂര്മുതല് കാസര്കോട് വരെയുള്ള കേരളതീരത്ത് മൂന്നുമുതല് 3.2 മീറ്റര് വരെ ഉയരത്തില് തിരമാലക്ക് സാധ്യതയുണ്ടെന്ന് ദേശീയ സമുദ്ര സ്ഥിതിപഠനകേന്ദ്രം അറിയിച്ചു. തീരദേശവാസികള് ജാഗ്രത പാലിക്കണം. കടലാക്രമണ ഭീഷണി രൂക്ഷമായ തീരമേഖലകളില് താമസിക്കുന്നവര് അധികൃതരുടെ നിര്ദേശങ്ങള് അനുസരിച്ച് മാറി താമസിക്കണമെന്നും നിര്ദേശിച്ചു.
