കോഴിക്കോട്: കോഴിക്കോട് കൊയിലാണ്ടിയില് സിപിഎം ലോക്കല് സെക്രട്ടറി പി.വി. സത്യനാഥന്റെ കൊലപാതകത്തിലെ പ്രതി അഭിലാഷിന് പാർട്ടിയുമായി ബന്ധമില്ലെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ.
കൊലപാതകത്തില് സമഗ്ര അന്വേഷണം വേണമെന്നും ഇതിന് പിന്നില് പ്രവര്ത്തിച്ച മുഴുവന് ശക്തികളെയും പുറത്ത് കൊണ്ടുവരാന് കഴിയണമെന്നും അദ്ദേഹം കൂട്ടിച്ചേർത്തു.
പ്രതി അഭിലാഷ് പാര്ട്ടിയംഗമായിരുന്നു. പാര്ട്ടിക്ക് ഉള്ക്കൊള്ളാന് കഴിയാത്ത തെറ്റായ പ്രവര്ത്തനങ്ങള്ക്ക് വിധേയനായപ്പോള് പാര്ട്ടി ഇയാളെ പുറത്താക്കിയതാണ്. പിന്നീട് ഗള്ഫില് പോയി തിരിച്ചുവന്ന ശേഷവും ഇയാള് തെറ്റായ നിലപാടുകളാണ് സ്വീകരിച്ചതെന്നും എം.വി. ഗോവിന്ദൻ പറഞ്ഞു.
