തൃശൂര്‍: ഇരിങ്ങാലക്കുട ക്രൈസ്റ്റ് കോളേജ് വിദ്യാര്‍ത്ഥികള്‍ സഞ്ചരിച്ച ബസ് കൊക്കയിലേക്ക് മറിഞ്ഞ് നിരവധി പേര്‍ക്ക് പരുക്ക്. മധ്യപ്രദേശിലെ റായിപുരിയിലെ കട്‌നിയിലാണ് അപകടം. ഒരു അധ്യാപകനും മൂന്ന് വിദ്യാര്‍ത്ഥികള്‍ക്കും സാരമായി പരുക്കേറ്റെന്നാണ് പ്രാഥമീക വിവരം.
ജിയോളജി വിഭാഗത്തിലെ അവസാനവര്‍ഷ ബിരുദ വിദ്യാര്‍ത്ഥികളും അധ്യാപകരുമുള്‍പ്പെട്ട സഞ്ചരിച്ച ബസ് ആണ് അപകടത്തില്‍പ്പെട്ടത്. ഏഴ് അധ്യാപകരും 60 വിദ്യാര്‍ത്ഥികളും വാഹനത്തിലുണ്ടായിരുന്നു. വിദ്യാര്‍ത്ഥികള്‍ രണ്ടു ബസുകളിലായാണ് ഫീല്‍ഡ് സ്റ്റഡിക്കായി പോയത്. ഇതില്‍ ഒരു ബസ് ആണ് മറിഞ്ഞത്.
