സ്വര്ണക്കടത്ത് കേസിലെ മുഖ്യ പ്രതിയായ ഫൈസല് ഫരീദിനെതിരെ ഇന്റര്പോള് ലുക്ക് ഔട്ട് നോട്ടീസ് പുറപ്പെടുവിച്ചു. ഇന്ത്യയുടെ അഭ്യര്ത്ഥന പ്രകാരമാണ് ഇന്റര്പോളിന്റെ നടപടി. കൊടുങ്ങല്ലൂര് മൂന്നുപീടിക സ്വദേശിയായ ഫൈസല് ഫരീദാണ് നയതന്ത്ര ബാഗേജ് എന്നപേരില് യു.എ.ഇയില് നിന്ന് സ്വര്ണം അയച്ചതെന്ന് എന്.ഐ.എ കണ്ടെത്തിയിട്ടുണ്ട്. ഇതിനോടകം തന്നെ ഫൈസല് ഫരീദിന്റെ പാസ്പോര്ട്ട് റദ്ദാക്കിയിരുന്നു. ഫൈസല് ഫരീദിനെ എത്രയും വേഗം ഇന്ത്യയിലെത്തിക്കാനുള്ള നടപടികളുടെ ഭാഗമായാണ് കേന്ദ്രസര്ക്കാരിന്റെ സുപ്രധാന നടപടി. പാസ്പോര്ട്ട് റദ്ദാക്കിയതിനാല് ഫൈസലിന് യു.എ.ഇക്കുള്ളിലും പുറത്തും യാത്ര ചെയ്യാന് സാധിക്കില്ല. ഫൈസല് ഫരീദിന്റെ അറസ്റ്റ് എന്.ഐ.എയെ സംബന്ധിച്ച് ഇനി നിര്ണായകമാണ്.
