നിയന്ത്രണം നീക്കിയാലും സംസ്ഥാനത്ത് സ്വകാര്യ ബസുകള് സര്വ്വീസ് നടത്തില്ലന്ന് ഉടമകള്. നിലവിലെ മാനദണ്ഡം പാലിച്ച് ബസുകള് സര്വീസ് നടത്തുവാന് കഴിയില്ല. സര്വ്വീസ് നടത്തിയാല് വലിയ സാമ്പത്തിക നഷ്ടം നേരിടേണ്ടിവരുമെന്നാണ് ബസ് ഉടമകള് പറയുന്നത്. തൊഴിലാളികളുടെ കൂലി ഉള്പ്പടെ സര്ക്കാര് സഹായം ലഭിച്ചാല് ജനങ്ങള് ബുദ്ധിമുട്ടാതിരിക്കാന് കുറച്ചു സര്വീസ് നടത്തുന്നത് ആലോചിക്കും എന്നാണ് സ്വകാര്യ ബസ് ഉടമകള് പറയുന്നത്.
അനുമതി ഇങ്ങനെ സംസ്ഥാനത്ത് തിങ്കളാഴ്ചയ്ക്ക് ശേഷം സ്വകാര്യ ബസുകള്ക്ക് നിയന്ത്രണങ്ങളോടെ സര്വ്വീസ് നടത്താന് സര്ക്കാര് അനുമതി നല്കിയിട്ടുണ്ട്. എന്നാല് ഒരു സീറ്റില് ഒരാള്ക്ക് മാത്രമെ ഇരിക്കാനാകൂ. നിന്ന് യാത്ര ചെയ്യുന്നതും അനുവദിക്കില്ല എന്നിങ്ങനെയുള്ള മാനദണ്ഡങ്ങള് കര്ശനമായി പാലിക്കണമെന്നാണ് സര്ക്കാര് നിര്ദ്ദേശം. ഇതുമൂലം പരമാവധി 15 പേര്ക്ക് മാത്രമേ ഒരേ സമയം യാത്ര ചെയ്യാനാകൂ. ഈ മാനദണ്ഡങ്ങളോടെ സര്വ്വീസ് നടത്തുന്നത് പ്രായോഗികമല്ലെന്നാണ് ബസ് ഉടമകളുടെ വാദം.
ലോക്ക് ഡൗണ് പത്തുകോടിയുടെ നഷ്ടം സംസ്ഥാനത്ത് ആകെ 12000 സ്വകാര്യ ബസുകളാണ് സര്വ്വീസ്നടത്തുന്നത്. ലോക്ക് ഡൗണ് മൂലം പ്രതിദിനം 10 കോടി രൂപയുടെ നഷ്ടമാണ് ഈ മേഖലയില് ഉണ്ടാകുന്നത്.
നിയന്ത്രണങ്ങളോടെ സര്വ്വീസ് നടത്താനാകില്ലെന്ന് നിയന്ത്രണങ്ങളോടെ സര്വ്വീസ് നടത്താനാകില്ലെന്ന് കാണിച്ച് ഭൂരിഭാഗം ബസ് ഉടമകളും അധികൃതരെ രേഖാമൂലം അറിയിച്ചിട്ടുണ്ട്. സര്വ്വീസ് നടത്താന് നിര്ബന്ധം പിടിച്ചാല് അതിന്റെ സാമ്ബത്തിക നഷ്ടം സര്ക്കാര് ഏറ്റെടുക്കണമെന്നാണ് ഇവരുടെ ആവശ്യം. ഒന്നോ രണ്ടോ ബസ് മാത്രം ഉള്ളവരെയാണ് ഇത് ഏറെ ബാധിക്കുക. അനുകൂലമായ തീരുമാനം സര്ക്കാരില് നിന്ന് ഉണ്ടാകുമെന്ന പ്രതീക്ഷയിലാണ് ബസ് ഉടമകള്.
