തിരുവനന്തപുരം: മുതിർന്ന മാധ്യമപ്രവർത്തകൻ എം എസ് മണി അന്തരിച്ചു. കലാകൗമുദിയുടെ സ്ഥാപക പത്രാധിപരായിരുന്നു. രോഗബാധിതനായി ചികിത്സയിലിരിക്കെയാണ് അന്ത്യം. സംസ്ക്കാരം പിന്നീട്. മലയാള മാധ്യമരംഗത്തെ നിർണായക വ്യക്തിത്വമാണ് വിടവാങ്ങിയത്. കേരള കൗമുദി പത്രാധിപരായിരുന്ന കെ സുകുമാരന്റെ മകനായ അദ്ദേഹം കേരളാകൗമുദിയില് റിപ്പോര്ട്ടറായാണ് മാധ്യമ രംഗത്തേക്ക് എത്തിയത്. മാധ്യമരംഗത്തെ മികവിനുള്ള സംസ്ഥാനസര്ക്കാരിന്റെ സ്വദേശാഭിമാനി കേസരി പുരസ്ക്കാരമടക്കം നേടിയ അദ്ദേഹം മലയാള മാധ്യമരംഗത്തെ മറക്കാനാകാത്ത വ്യക്തിത്വമാണ്.
