പിഎസ്സി പരീക്ഷ ചോദ്യപേപ്പര് ഇനിമുതല് മലയാളത്തിലാകും. പരീക്ഷകള് മലയാളത്തിലാക്കുന്നതിന് തത്വത്തില് അംഗീകാരം ലഭിച്ചു. പ്രായോഗിക നടപടികള് ചര്ച്ച ചെയ്ത് തീരുമാനിക്കുമെന്ന് മുഖ്യമന്ത്രി പറഞ്ഞു. മറ്റ് ഭാഷകളോട് സര്ക്കാരിന് എതിര്പ്പില്ലെന്നും മുഖ്യമന്ത്രി വ്യക്തമാക്കി.
എല്ലാ സര്വകലാശാല വൈസ് ചാന്സലര്മാരുടെയും യോഗം വിളിക്കും. ചോദ്യപേപ്പര് മലയാളത്തിലാക്കാന് നിര്ദ്ദേശിച്ചിട്ടുണ്ടെന്നും മുഖ്യമന്ത്രി പറഞ്ഞു. കെഎഎസ് അടക്കമുള്ള പരീക്ഷകള് മലയാളത്തില് നടത്താനും ധാരണ. അതേസമയം, മലയാളത്തിലാക്കുന്നതില് എതിര്പ്പില്ലെന്ന് പിഎസ്സി ചെയര്മാന് അറിയിച്ചു.
