തൃശ്ശൂര്: തൃശൂർ കൊരട്ടിയ്ക്ക് സമീപം മാമ്പ്രയിൽ വയോധികയെ ശ്വാസം മുട്ടിച്ച് കൊന്ന് ചെറുമകന് ആഭരണം തട്ടിയെടുത്തു. മാമ്പ്ര സ്വദേശി സാവിത്രി (70) ആണ് കൊല്ലപ്പെട്ടത് . തട്ടിയെടുത്ത മൂന്നുപവന്റെ മാല പണയപ്പെടുത്തി നാടുവിടാന് ഒരുങ്ങിയ ചെറുമകന് പ്രശാന്തിനെ പൊലീസ് പിടികൂടി. ബസ് കണ്ടക്ടറാണ് പിടിയിലായ പ്രശാന്ത്. ആഭരണം മാമ്പ്രയിലെ പണമിടപാട് സ്ഥാപനത്തിൽ നിന്ന് പൊലീസ് കണ്ടെടുത്തു.
