തിരുവനന്തപുരം മെഡിക്കല് കോളേജ് ഒപി ബ്ലോക്കില് രോഗി ലിഫ്റ്റില് കുടുങ്ങിയ സംഭവത്തില് അന്വേഷിച്ച് നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി.സിപിഐ തിരുമല ലോക്കല് സെക്രട്ടറി തിരുമല രവിയാണ് ലിഫ്റ്റില് കുടുങ്ങിയത്. മെഡിക്കല് വിദ്യാഭ്യാസ വകുപ്പ് ഡയറക്ടര്ക്കാണ് ആരോഗ്യമന്ത്രി നിർദ്ദേശം നിര്ദേശം നല്കിയത്. കേടായ ലിഫ്റ്റിനുള്ളിൽ ഒന്നര ദിവസമാണ് രോഗി കുടുങ്ങിക്കിടന്നത്.
ശനിയാഴ്ച നടുവേദനയുടെ ചികിത്സയ്ക്കായി എത്തിയതായിരുന്നു ഇയാള്. ഇതിനിടെയാണ് ലിഫ്റ്റില് കുടുങ്ങിയത്. ഇന്ന് രാവിലെ ലിഫ്റ്റ് ഓപ്പറേറ്റര് എത്തിയപ്പോഴായിരുന്നു രവി ലിഫ്റ്റില് കുടുങ്ങിയ വിവരം അറിഞ്ഞത്.ഒന്നരദിവസത്തോളം രവീന്ദ്രൻ നായർക്ക് മലമൂത്രവിസർജനത്തിൽ കിടക്കേണ്ടി വന്നു. ഓർത്തോ ഓപിയിലെ 11 ആം നമ്പർ ലിഫ്റ്റിലായിരുന്നു രവീന്ദ്രൻ നായർ കയറിയത്. ലിഫ്റ്റ് പെട്ടെന്ന് ഇടിച്ച് നിൽക്കുകയായിരുന്നുവെന്നും അലാറം പലവട്ടം അടിച്ച് നോക്കിയിട്ടും ഫലമുണ്ടായില്ലെന്നും രവീന്ദ്രൻ പറഞ്ഞു.
