തിരുവനന്തപുരം: തദ്ദേശ തെരഞ്ഞെടുപ്പിന്റെ വോട്ടെണ്ണൽ തുടങ്ങി. ആദ്യഫല സൂചനകൾ പുറത്തുവരുമ്പോൾ എൽഡിഎഫിനാണ് മുൻതൂക്കം. ബ്ലോക്ക്, ഗ്രാമ,ജില്ലാപഞ്ചായത്തുകളിൽ എൽഡിഎഫാണ് ലീഡ് ചെയ്യുന്നു.
തിരുവനന്തപുരം കോര്പറേഷനിൽ യുഡിഎഫ് സ്ഥാനാര്ഥി കെ.എസ് ശബരീനാഥ് ലീഡ് ചെയ്യുകയാണ്. തൃശൂർ കോർപ്പറേഷനിൽ ആദ്യ ലീഡ് എൻഡിഎക്കാണ്. അടൂർ നഗരസഭയിൽ ആദ്യ ലീഡ് എൽഡിഎഫിനാണ് ലീഡ്. കായംകുളം നഗരസഭയിൽ എൽഡിഎഫ് ലീഡ് ചെയ്യുന്നു. കൂത്താട്ടുകുളം നഗരസഭയില് യുഡിഎഫ് മുന്നേറ്റമാണ്. പാലക്കാട് നഗരസഭയിൽ രണ്ട് വാര്ഡിൽ ബിജെപി ലീഡ് ചെയ്യുന്നു.പന്തളം നഗരസഭയിൽ യുഡിഎഫ് ലീഡ് ചെയ്യുന്നു. ആലപ്പുഴയിൽ മൂന്ന് പഞ്ചായത്തിൽ എൽഡിഎഫ് ലീഡ് ചെയ്യുന്നു. കോതമംഗലം നഗരസഭയില് യുഡിഎഫാണ് മുന്നില്. ഷൊർണൂരിൽ വോട്ടെണ്ണി തുടങ്ങിയപ്പോൾ മൂന്നു വാർഡുകളിൽ ബിജെപി വിജയിച്ചു.
ഏറ്റുമാനൂരിൽ യുഡിഎഫ് സ്ഥാനാര്ഥി ജയിച്ചു. നഗരസഭ ഒന്നാം വാർഡ് സ്ഥാനാർഥി പുഷ്പ വിജയകുമാറാണ് 70 വോട്ടിന് വിജയിച്ചത്. കൊട്ടാരക്കര നഗരസഭയിൽ നാല് ഡിവിഷനുകളിൽ യുഡിഎഫ് ലീഡ് ചെയ്യുന്നു. കാസർകോട് നഗരസഭയിൽ യുഡിഎഫും എൻഡിഎയും ഒപ്പത്തിനൊപ്പമാണ്.
