കണ്ണൂര് അഞ്ചരക്കണ്ടി ദന്തല് കോളജ് ബിഡിഎസ് വിദ്യാര്ഥി ആര് എല് നിതിന് രാജിന്റെ കുടുംബം ഇന്ന് മുഖ്യമന്ത്രിയെ കണ്ടേക്കും. ആത്മഹത്യയെന്ന് പൊലീസ് ഉറപ്പിക്കുമ്പോഴും ദുരൂഹത ആരോപിക്കുകയാണ് കുടുംബം. നിതിന് കടുത്ത ജാതി അധിക്ഷേപം നേരിട്ടിരുന്നു എന്ന് വ്യക്തമാക്കുന്ന ശബ്ദരേഖകള് ഇന്നലെ പുറത്തു വന്നിരുന്നു.
അതിനിടെ, നിതിന് രാജിന്റെ മരണത്തില്, ലോണ് ആപ്പില് നിന്നുള്ള മെസേജുകളും അന്വേഷണ പരിധിയിലുണ്ട്. അധ്യാപികയുടെ നമ്പറിലേക്ക് വന്ന മെസേജുകള് ആണ് പരിശോധിക്കുക. അധ്യാപികയുടെ നമ്പര് ലോണ് ആപ്പ് സംഘത്തിന് എങ്ങനെ ലഭിച്ചെന്നത് നിര്ണായകമാണ്.
