തിരുവനന്തപുരം: വൈറല് താരം മൊണാലിസയ്ക്ക് പ്രായപൂര്ത്തിയായതിന് രേഖകളുണ്ടെന്ന് പൊലീസ്. ആധാര് കാര്ഡും ജനന സര്ട്ടിഫിക്കറ്റും പരിശോധിച്ചെന്നും രേഖകളില് 2008 ജനുവരി 1 ആണ് ജനനതിയതി പൊലീസ് പറഞ്ഞു. പ്രായപൂര്ത്തിയായെന്ന രേഖകള് പരിശോധിച്ച് ഉറപ്പുവരുത്തിയ ശേഷമാണ് ആണ് സുഹൃത്തിനൊപ്പം വിട്ടയച്ചതെന്നും പൊലീസ് വ്യക്തമാക്കി. കുംഭമേളയിലെ വൈറല് താരം മൊണാലിസ ഭോസ്ലെയും ആണ്സുഹൃത്ത് ഫര്മാന് ഖാനും തമ്മിലുള്ള വിവാഹം ഇന്നലെയാണ് നടന്നത്.
പൂവാര് അരുമാനൂര് നൈനാര് ക്ഷേത്രത്തില് നടന്ന ചടങ്ങില് മന്ത്രി വി.ശിവന്കുട്ടി, സിപിഎം സംസ്ഥാന സെക്രട്ടറി എം.വി ഗോവിന്ദന്, ജില്ല സെക്രട്ടറി റഹീം എന്നിവരുള്പ്പെടെ നിരവധി ആളുകള് പങ്കെടുത്തിരുന്നു. കേരളം നല്ല സ്ഥലവും ഇവിടുത്തെ ആളുകള് നല്ല മനുഷ്യരുമാണെന്നും എല്ലാവരും ഞങ്ങളെ സ്നേഹത്തോടെ സ്വീകരിച്ചുവെന്നും ഇരുവരും പ്രതികരിച്ചിരുന്നു. തമ്പാനൂര് പൊലീസ് ഇടപെട്ടതിനെ തുടര്ന്നാണ് സ്നേഹിക്കുന്ന യുവാവുമായുള്ള മൊണാലിസയുടെ കല്യാണം തീരുമാനിച്ചത്.
